Lurrak gauzka etsipen gordinez
min zaharrari lotuta;
lur garenez, urak garamatza
itsas amaren altzora.
Zeru ertzetik argia dator
lainoz estalia, lurrera;
itsasotik aparra doa
harkaitz zauriz, ostadarrera.
Ontzi zainak gauaren etxeruntz
gure txalupa darama
arraun hotzez, abesti zitalez
azken ertzaren kaiara.
Hitz totelez, pauso beldurtiez
eman ohi dugu bidaia;
oihu latzez eskean orandik
aska gaitzaken uhaina.
